У Беларусі па праграме будаўніцтва малочнатаварных комплексаў узводзяць аб'екты, якія даюць магчымасць атрымліваць добрую прадукцыйнасць. Аб гэтым заявіў намеснік прэм'ер-міністра, упаўнаважаны кіраўніка дзяржавы ў Брэсцкай вобласці Юрый Шулейка ў час рабочай паездкі ў Ганцавіцкі раён, перадае карэспандэнт БЕЛТА.
Юрый Шулейка звярнуў увагу, што практычна завершана праграма бягучай пяцігодкі. "Пачаліся маштабныя дзяржаўныя праграмы, якія накіраваны на тэхнічную і тэхналагічную мадэрнізацыю нашых сельскагаспадарчых арганізацый. Дакладна разумеем, што неабходна ўзбуйненне прадпрыемстваў. Гэта дыктуе час, гэта працоўныя рэсурсы. Удоі павінны быць 20 л і больш, адназначна. Для некаторых гэта пачатак, для некага - пад сілу і 30 л на карову", - падкрэсліў віцэ-прэм'ер.
Для павышэння эфектыўнасці ў жывёлагадоўлі патрэбны новыя рашэнні. Па даручэнні кіраўніка дзяржавы распрацавана праграма будаўніцтва малочнатаварных комплексаў. Юрый Шулейка растлумачыў, што размешчаныя ў розных пунктах фермы не знаходзяць прадаўжэння ў новай мадэлі эфектыўнай работы на зямлі. "Атрымліваем рэсурсы, будуем аб'екты жывёлагадоўлі, якія даюць магчымасць атрымліваць добрую прадукцыйнасць. І ў далейшым, зразумела, пад гэту прадукцыйнасць патрэбны адпаведны корм, забеспячэнне яго захоўвання. Захаванасць жывёлы наогул чырвонай лініяй праходзіць па краіне ў цэлым", - абазначыў намеснік прэм'ер-міністра. Ён дадаў, што ў Беларусі да 2030 года паставілі задачу завяршыць комплекс работ, дзякуючы чаму практычна ўсё пагалоўе буйной рагатай жывёлы будзе стаяць на МТК.
Юрый Шулейка сёння з рабочай паездкай наведаў Ганцавіцкі раён. У прыватнасці, яго азнаёмілі з планам па мадэрнізацыі сельскагаспадарчых аб'ектаў. У раёне да канца года плануюць завяршыць будаўніцтва і рэканструкцыю трох жывёлагадоўчых комплексаў. Мадэрнізуюць малочнатаварныя фермы ў вёсках Ганцавічы і Макава, будуюць два кароўнікі з даільна-малочным блокам на ферме каля вёскі Дзяніскавічы. Летам у аграгарадку Агарэвічы ўвядуць у эксплуатацыю зернесушыльны комплекс магутнасцю 100 т за гадзіну і зернеачышчальную лінію магутнасцю 5 т за гадзіну.
У цэлым у Брэсцкай вобласці з розных крыніц фінансавання будуюць і рэканструююць 47 жывёлагадоўчых аб'ектаў. "Што датычыцца рэканструкцыі малочнатаварных ферм, то вядзецца яна дастаткова актыўна. Дзесяць малочнатаварных комплексаў будуецца ў адпаведнасці з 365-м указам кіраўніка дзяржавы. Праектная дакументацыя ёсць, работы там ужо вядуцца, фінансаванне адпаведнае адкрыта. Як і было даручана Прэзідэнтам, на працягу 2025-2026 гадоў гэтыя аб'екты павінны быць уведзены ў строй. Уводзіцца яны будуць у складзе двух памяшканняў для ўтрымання дойнага статка, даільна-малочнага блока, цэха запуску-раздою і прафілакторыя", - растлумачыў першы намеснік Брэсцкага аблвыканкама Дзмітрый Гарадзецкі.
У Брэсцкай вобласці сфарміравалі план да 2030 года. "Мы павінны перавесці ўвесь дойны статак на сучасныя тэхналогіі, на беспрывязное ўтрыманне. Сёння ў нас 90 працэнтаў дойнага статка ўтрымліваецца ў такіх умовах, што дае свой вынік. Бачым гэта па прадукцыйнасці. У цэлым па вобласці ўжо больш як 23 літры за суткі доім на адну карову", - рэзюмаваў Дзмітрый Гарадзецкі.-0-
Юрый Шулейка звярнуў увагу, што практычна завершана праграма бягучай пяцігодкі. "Пачаліся маштабныя дзяржаўныя праграмы, якія накіраваны на тэхнічную і тэхналагічную мадэрнізацыю нашых сельскагаспадарчых арганізацый. Дакладна разумеем, што неабходна ўзбуйненне прадпрыемстваў. Гэта дыктуе час, гэта працоўныя рэсурсы. Удоі павінны быць 20 л і больш, адназначна. Для некаторых гэта пачатак, для некага - пад сілу і 30 л на карову", - падкрэсліў віцэ-прэм'ер.
Для павышэння эфектыўнасці ў жывёлагадоўлі патрэбны новыя рашэнні. Па даручэнні кіраўніка дзяржавы распрацавана праграма будаўніцтва малочнатаварных комплексаў. Юрый Шулейка растлумачыў, што размешчаныя ў розных пунктах фермы не знаходзяць прадаўжэння ў новай мадэлі эфектыўнай работы на зямлі. "Атрымліваем рэсурсы, будуем аб'екты жывёлагадоўлі, якія даюць магчымасць атрымліваць добрую прадукцыйнасць. І ў далейшым, зразумела, пад гэту прадукцыйнасць патрэбны адпаведны корм, забеспячэнне яго захоўвання. Захаванасць жывёлы наогул чырвонай лініяй праходзіць па краіне ў цэлым", - абазначыў намеснік прэм'ер-міністра. Ён дадаў, што ў Беларусі да 2030 года паставілі задачу завяршыць комплекс работ, дзякуючы чаму практычна ўсё пагалоўе буйной рагатай жывёлы будзе стаяць на МТК.
Юрый Шулейка сёння з рабочай паездкай наведаў Ганцавіцкі раён. У прыватнасці, яго азнаёмілі з планам па мадэрнізацыі сельскагаспадарчых аб'ектаў. У раёне да канца года плануюць завяршыць будаўніцтва і рэканструкцыю трох жывёлагадоўчых комплексаў. Мадэрнізуюць малочнатаварныя фермы ў вёсках Ганцавічы і Макава, будуюць два кароўнікі з даільна-малочным блокам на ферме каля вёскі Дзяніскавічы. Летам у аграгарадку Агарэвічы ўвядуць у эксплуатацыю зернесушыльны комплекс магутнасцю 100 т за гадзіну і зернеачышчальную лінію магутнасцю 5 т за гадзіну.
У цэлым у Брэсцкай вобласці з розных крыніц фінансавання будуюць і рэканструююць 47 жывёлагадоўчых аб'ектаў. "Што датычыцца рэканструкцыі малочнатаварных ферм, то вядзецца яна дастаткова актыўна. Дзесяць малочнатаварных комплексаў будуецца ў адпаведнасці з 365-м указам кіраўніка дзяржавы. Праектная дакументацыя ёсць, работы там ужо вядуцца, фінансаванне адпаведнае адкрыта. Як і было даручана Прэзідэнтам, на працягу 2025-2026 гадоў гэтыя аб'екты павінны быць уведзены ў строй. Уводзіцца яны будуць у складзе двух памяшканняў для ўтрымання дойнага статка, даільна-малочнага блока, цэха запуску-раздою і прафілакторыя", - растлумачыў першы намеснік Брэсцкага аблвыканкама Дзмітрый Гарадзецкі.
У Брэсцкай вобласці сфарміравалі план да 2030 года. "Мы павінны перавесці ўвесь дойны статак на сучасныя тэхналогіі, на беспрывязное ўтрыманне. Сёння ў нас 90 працэнтаў дойнага статка ўтрымліваецца ў такіх умовах, што дае свой вынік. Бачым гэта па прадукцыйнасці. У цэлым па вобласці ўжо больш як 23 літры за суткі доім на адну карову", - рэзюмаваў Дзмітрый Гарадзецкі.-0-
