27 мая, Брэст /Кар. БЕЛТА/. У Брэсце прадстаўнікі васьмі краін прымаюць удзел у навукова-адукацыйным форуме "Еўразійскі дыялог". Яго ключавая тэма - "Еўразія: мінулае, сучаснае і будучае разам", перадае карэспандэнт БЕЛТА.
На пляцоўцы сабраліся амаль 50 чалавек, якія прадстаўляюць Беларусь, Арменію, Азербайджан, Расію, Казахстан, Кыргызстан, Узбекістан, Таджыкістан. Сустрэчу ў Брэсце прымеркавалі да 80-годдзя Перамогі ў Вялікай Айчыннай вайне. "Абмяркоўваюцца праекты, якія могуць быць рэалізаваны дзякуючы знаёмству на пляцоўцы ў Брэсцкай вобласці, якую арганізуем сумесна з партнёрамі. Спадзяюся, што сувязі завяжуцца, і будуць рэалізаваны праекты не толькі ў эканамічнай, але і ў гуманітарнай сферы", - сказаў дырэктар Цэнтра развіцця еўразійскіх камунікацый Раман Баранаў.
Праграма форуму разлічана на некалькі дзён. Удзельнікі ў час дыскусій абмяркуюць пытанні, якія датычацца ўзаемадзеяння на еўразійскай прасторы. Таксама яны пабываюць у Брэсцкім дзяржаўным тэхнічным універсітэце, у мемарыяльным комплексе "Брэсцкая крэпасць-герой", на прадпрыемствах. "Плануем наведаць брэндавыя прадпрыемствы, чыя прадукцыя разыходзіцца на ўсю еўразійскую прастору. Людзі зацікаўлены паглядзець на вытворчы працэс, прадэгуставаць нешта, наладзіць сувязі, прыехаць у свае краіны і расказаць пра гэта", - дадаў Раман Баранаў.
Намеснік старшыні Брэсцкага аблвыканкама Міхаіл Бацэнка акцэнтаваў увагу, што Брэсцкая вобласць адкрыта для плённага супрацоўніцтва як у эканоміцы, так і ў сацыяльнай сферы. Рэгіён мае вялікія магчымасці для прыцягнення замежных інвестыцый дзякуючы свайму выгаднаму геапалітычнаму размяшчэнню.
"Гэта садзейнічае магутнаму развіццю транспартнай інфраструктуры. Наша вобласць традыцыйна лідзіруе па транзіце грузаў, што ўплывае на развіццё лагістычных хабаў. Цяпер лагістыку забяспечваюць пяць сучасных транспартна-лагістычных цэнтраў, - адзначыў Міхаіл Бацэнка. - Мы лідзіруем па асваенні інвестыцый у асноўны капітал. За 30 гадоў іх аб'ём павялічыўся амаль у чатыры разы".
Намеснік старшыні аблвыканкама пералічыў перавагі Брэстчыны. Яна моцная ў сельскай гаспадарцы. Высокімі тэмпамі развіваюцца лёгкая, харчовая прамысловасць, дрэваапрацоўка, вытворчасць будаўнічых матэрыялаў і акумулятарных батарэй, металаапрацоўка. У рэгіёне налічваецца больш за 1,8 тыс. прамысловых прадпрыемстваў. Брэсцкая вобласць мае вялікі турыстычны патэнцыял.
"Брэсцкая вобласць актыўна прымае ўдзел у рабоце Еўразійскага эканамічнага саюза. Важным напрамкам з'яўляецца міжрэгіянальнае супрацоўніцтва. Брэсцкай вобласцю заключаны пагадненні аб супрацоўніцтве з 29 рэгіёнамі Расійскай Федэрацыі, з двума рэгіёнамі - у Казахстане, двума - ва Узбекістане, адным рэгіёнам Арменіі. Добрай традыцыяй стала развіццё супрацоўніцтва ў рамках праводзімых форумаў рэгіёнаў", - падкрэсліў Міхаіл Бацэнка. У прыватнасці, па выніках першага квартала 2025 года экспартныя пастаўкі ў краіны ЕАЭС склалі 84,5 працэнта ад сукупнага экспарту рэгіёна. Акрамя эканамічных, развіваюцца сувязі ў сферах адукацыі, культуры, спорту, рэалізуюцца сумесныя праекты.-0-
На пляцоўцы сабраліся амаль 50 чалавек, якія прадстаўляюць Беларусь, Арменію, Азербайджан, Расію, Казахстан, Кыргызстан, Узбекістан, Таджыкістан. Сустрэчу ў Брэсце прымеркавалі да 80-годдзя Перамогі ў Вялікай Айчыннай вайне. "Абмяркоўваюцца праекты, якія могуць быць рэалізаваны дзякуючы знаёмству на пляцоўцы ў Брэсцкай вобласці, якую арганізуем сумесна з партнёрамі. Спадзяюся, што сувязі завяжуцца, і будуць рэалізаваны праекты не толькі ў эканамічнай, але і ў гуманітарнай сферы", - сказаў дырэктар Цэнтра развіцця еўразійскіх камунікацый Раман Баранаў.
Праграма форуму разлічана на некалькі дзён. Удзельнікі ў час дыскусій абмяркуюць пытанні, якія датычацца ўзаемадзеяння на еўразійскай прасторы. Таксама яны пабываюць у Брэсцкім дзяржаўным тэхнічным універсітэце, у мемарыяльным комплексе "Брэсцкая крэпасць-герой", на прадпрыемствах. "Плануем наведаць брэндавыя прадпрыемствы, чыя прадукцыя разыходзіцца на ўсю еўразійскую прастору. Людзі зацікаўлены паглядзець на вытворчы працэс, прадэгуставаць нешта, наладзіць сувязі, прыехаць у свае краіны і расказаць пра гэта", - дадаў Раман Баранаў.
Намеснік старшыні Брэсцкага аблвыканкама Міхаіл Бацэнка акцэнтаваў увагу, што Брэсцкая вобласць адкрыта для плённага супрацоўніцтва як у эканоміцы, так і ў сацыяльнай сферы. Рэгіён мае вялікія магчымасці для прыцягнення замежных інвестыцый дзякуючы свайму выгаднаму геапалітычнаму размяшчэнню.
"Гэта садзейнічае магутнаму развіццю транспартнай інфраструктуры. Наша вобласць традыцыйна лідзіруе па транзіце грузаў, што ўплывае на развіццё лагістычных хабаў. Цяпер лагістыку забяспечваюць пяць сучасных транспартна-лагістычных цэнтраў, - адзначыў Міхаіл Бацэнка. - Мы лідзіруем па асваенні інвестыцый у асноўны капітал. За 30 гадоў іх аб'ём павялічыўся амаль у чатыры разы".
Намеснік старшыні аблвыканкама пералічыў перавагі Брэстчыны. Яна моцная ў сельскай гаспадарцы. Высокімі тэмпамі развіваюцца лёгкая, харчовая прамысловасць, дрэваапрацоўка, вытворчасць будаўнічых матэрыялаў і акумулятарных батарэй, металаапрацоўка. У рэгіёне налічваецца больш за 1,8 тыс. прамысловых прадпрыемстваў. Брэсцкая вобласць мае вялікі турыстычны патэнцыял.
"Брэсцкая вобласць актыўна прымае ўдзел у рабоце Еўразійскага эканамічнага саюза. Важным напрамкам з'яўляецца міжрэгіянальнае супрацоўніцтва. Брэсцкай вобласцю заключаны пагадненні аб супрацоўніцтве з 29 рэгіёнамі Расійскай Федэрацыі, з двума рэгіёнамі - у Казахстане, двума - ва Узбекістане, адным рэгіёнам Арменіі. Добрай традыцыяй стала развіццё супрацоўніцтва ў рамках праводзімых форумаў рэгіёнаў", - падкрэсліў Міхаіл Бацэнка. У прыватнасці, па выніках першага квартала 2025 года экспартныя пастаўкі ў краіны ЕАЭС склалі 84,5 працэнта ад сукупнага экспарту рэгіёна. Акрамя эканамічных, развіваюцца сувязі ў сферах адукацыі, культуры, спорту, рэалізуюцца сумесныя праекты.-0-
