ДУК “Брэсцкая раённая цэнтралізаванная клубная сістэма” аб’явіла раённы анлайн-конкурс чытальнікаў беларускіх
вершаў і прозы “Гучы, роднае слова! ” у рамках Году міру і стварэння.
Тэма конкурсу абраная невыпадкова – 2023 год у Беларусі абвешчан
Годам міру і стварэння, а 21 лютага - Дзень роднай мовы. Такім чынам мы
імкнемся прыцягнуць увагу да тэмы патрыятызму і любові да Радзімы, да ідэй міру
і стваральніцтва, да роднага слова і літаратуры. Сёння асабліва важна знаёміць
моладзь з лепшымі прыкладамі беларускай літаратуры. Гэты крок дапаможа выявіць
таленты сярод моладзі і дзяцей, зацікавіць людзей сярэдняга і больш сталага
ўзросту.Тэатральная, хай і імправізаваная пляцоўка – добры шанец рэалізаваць
творчы патэнцыял.
Усё што ад вас патрабуецца – выбраць твор любімага
беларускамоўнага аўтара, яскрава, выразна, эмацыйна прачытаць урывак альбо верш
напамяць і запісаць на відэа. Чытанне павінна быць абавязкова у кадры. Чытанне
па-за кадрам забараняецца. у Праўда, ёсць абмежаванне па часе – не больш
чатырох-пяці хвілін. Цудоўна, калі гэта будзе твор пісьменніка-юбіляра.Таксама
пажадана выкарыстоўваць беларускія касцюмы, рэквізіт і музыку. Па словах
арганізатараў, менавіта такім творам будзе надавацца асаблівая ўвага. Што
тычыцца ўзросту, то і тут амаль няма рамак. Ацэньваць канкурсантаў журы будзе ў
наступных узроставых намінацыях:
- ад 6 да 9 гадоў
- ад 10 да 13 гадоў;
- ад 14 да 18 гадоў;
- ад 19 да 75 гадоў.
Паспейце падаць заяўку (у вольнай форме) і даслаць відэаматэрыялы да 16 лютага 2022 года на адрас электроннай пошты metod@roibrest.gov.by з паметкай “Конкурс чытальнікаў”. У заяўцы абавязкова ўкажыце ўстанову
культуры, імя, прозвішча, ўзрост удзельніка, імя паэта альбо пісьменніка і
назву твора, які выконваецца.
Лепшыя відэа будуць размешчаны на старонцы РМЦ у сацыяльнай сетцы “Вконтакте.
Брестский районный методический центр”. Там жа можна пакінуць свае каментарыі, Там жа можна пакінуць
свае каментарыі і аддаць голас за ўдзельніка, які больш спадабаўся. З 23 па 26
лютага журы падвядзе вынікі і вызначыць пераможцаў у розных намінацыях, аднак
прыз глядацкіх сімпатый акрэсляць менавіта гледачы. Сардэчна запрашаем усіх да
ўдзелу ў конкурсе.
Больш падрабязную інфармацыю можна даведацца па нумары: 94- 39- 08